Non sempre chove en Santiago

Música

2009-08-18T23:02:00.002+02:00

Máis Cousas

2009-08-18T22:59:00.004+02:00

Músicos en Praterías

Mimo na praza do Obradoiro

O famoso botafumeiro

Cousas

2009-08-18T22:50:00.003+02:00

Tenda: Pecados de Compostela. Larpeiradas

Unha mañá calquera na Praza Roxa

Vistas dende unha parte do parque de Bonaval

Curiosidades de Compostela VIII

2009-08-18T22:46:00.003+02:00

Encántame este farolillo no exterior dunha das farmacias máis antigas de Santiago, indo cara a rúa nova dende a Alameda.

Atlas

2009-08-18T22:41:00.004+02:00

Atlas ou Hércules sostendo a bola do mundo no pazo da Bendaña, que na actualidade é a sede do museo-fundación Granell, dedicado ó artista surrealista Euxenio Granell. Podédelo atopar na praza do Toural

Un, dous, tres, responda outra vez

2009-04-14T22:31:00.001+02:00

PREGUUNTA (léase en tono de Jordi Hurtado): De que cor é o cabalo branco de Santiago?

a) Azul

b) Branca

c) Amarela

d) Todas as anteriores son falsas

Galería de imaxes: http://picasaweb.google.es/n0ar0llingst0ne/Cabalo#

(Un dos cabalos é de San Martiño Pinario, que non de Santiago Apóstol pero si de Santiago de Compostela, xD. Sinto que as fotos se vexan tan borrosas, na maioría non se me estaba permitido achegarme debido a un cordón de seguridade ou a empregados de tendas de souvenirs á vista... )

É curioso como actualmente tapan cunha pranta as esculturas dos mouros que matou Santiaguiño...

Curiosidades de Compostela: VII

2009-04-13T19:38:00.003+02:00

Primeira imaxe: parte do Pórtico da Gloria onde cabe destacar a figura de Danieliño, o profeta mostra un sorriso pícaro, din que se debe a que anteriormente se situaba en frente unha escultura da emperatriz Ester, cuns voluminosos senos. Según a lenda, un obispo, xa farto de que a xente falase da mirada de Daniel, mandou rebaixar o tamaño do peito da raíña en vez de deixalos flirtear ós dous tranquilamente...

Os composteláns, alporizados ante este feito, crearon o chamado queixo de tetilla para inmortalizar así os peitos da raíña Ester. Se é que menudas obscenidades...

Segunda imaxe: Cúpula da catedral onde se pode observar un ollo, supostamente "o ollo de deus" que todo o ve...

En próximas actualizacións falarei largo e tendido sobre o cabalo branco de Santiago...

Uxia Sabela Compostela

2009-04-13T19:20:00.000+02:00

Escaparate dunha tenda de camisolas na Praza do Toural.

Curiosidades de Compostela: VI

2009-04-06T22:11:00.004+02:00

O trasgo era unha libraría de segunda man situada na rúa Xeneral Pardiñas. Levaron a cabo unha liquidación por peche fai realmente pouco, o motivo? sen dudalo, a súa ubicación nunhas galerías alonxadas da man de deus. A maioría da xente que coñezo percatouse da existencia desta tenda por casualidade, e no meu caso non foi menos.

O bó deste local é que ademais de libros, podías conseguir películas sen desempaquetar a bó prezo xunto con coleccionables, vinilos e discos compactos de jazz, blues, ópera, música clásica... O vendedor, cun aspecto excéntrico e un asombroso parecido a Woody Allen, sacábache conversacións de aspecto filosófico á mínima de cambio, e ó igual que na libraría Vetusta, a música que soaba de fondo sempre era jazz.

Outro dos detalles que persoalmente me gustaban, neste caso máis estético, era a barandilla-balcón de madeira no piso de arriba que supoñía unha especie de almacén. Dende logo que agora é un dos lugares santiagueses que máis boto en falta xunto coa sala Yago e os multicines Compostela. Que será o próximo que pechen?

Jazzman

2009-04-02T16:06:00.001+02:00

Jazzman é un dos mellores músicos das rúas de Santiago de Compostela e quen opine o contrario, minte. Este tipo, do máis curioso, chama especialmente a atención polo seu aspecto, unha media negra na cabeza, beizos vermellos postizos, cigarrillo (incombustible) na boca e un gran chapeu branco para facernos recordar ós músicos negros do jazz estilo-anos 40.

A mín dende logo que as mañáns se me fan máis agradables cada vez que paso por Praterías ou arredores xa que podes disfrutar de sons tanto melancólicos como enérxicos con tintes de jazz, blues e bossa.

Imaxe: Jazzman na praza da Quintana

Barrio de Santa Marta

2009-03-30T21:59:00.001+02:00

Imaxes no Barrio de Santa Marta de abaixo tirando cara o hospital clínico universitario. Na primeira foto sae un hórreo destartalado. Iso da a pensar moitas veces de que se trata Santiago: unha vila ou unha cidade? eu me quedo co termo que me dixo un día Endalí: "Aldea Cosmopolita".

Curiosidades de Compostela: V

2009-03-26T18:46:00.002+01:00

Este boneco é moito máis diabólico que o famoso Chucky. O lugar: unha xoguetería de Xeneral Pardiñas.

Pinturas Fernando Pereira

2009-03-21T21:41:00.000+01:00

Curiosidades de Compostela: IV

2009-03-21T16:30:00.001+01:00

Sei que esta entrada debería titularse: "Horteradas de Compostela" pero ímolo deixar en curiosidade porque ao fin e ó cabo tamén forma parte de aquí. Como podedes comprobar, a imaxe corresponde a dúas estatuíñas duns gnomos ou ananos nun balcón da rúa Alfredo Brañas. Non lle saco ningún símil con Amèlie nin dous dos ananos de Brancaneves se foron de excursión, poden estar tranquilos.

Pero esta non é a única vivenda na que os seus donos teñen bo sentido do gusto. Nunha xanela dunha casa da rúa Manuel Murguía se atopa un bonsai, un gnomo máis grande que os da imaxe e unha ardilla de arcilla, todo moi estético como poderedes imaxinar... en canto me sexa posible subirei unha foto para que todo o mundo poda deleitala.

Rodaxe 18 comidas

2009-03-20T21:29:00.001+01:00

Camiñando tranquilamente este medio día pola rúa do Vilar, atopeime por casualidade coa rodaxe da película "18 comidas" do director Jorge Coira (director do Ano da Carracha entre outras) e ó parecer, un dos seus protagonistas é Luis Tosar (na imaxe tocando a guitarra, non sei se por descanso ou se pertence a unha escea propia do film, supoño que ambas cousas), polo que entendín, a película relata varias historias cruzadas a teavés de 18 comidas distintas onde a improvisación é o principal medio de interpretación.

Curiosidades de Compostela: III

2009-03-20T16:40:00.000+01:00

"La sencillez es algo tan complicado que sólo se puede ver con una mirada simple"

Esta imaxe corresponde ós carteis dunha exposición do pintor coruñés Fernando Pereira dispoñible ata o 5 de abril na fundación Torrente Ballester de Santiago de Compostela. A pintura de Fernando Pereira é máis de corazón que de mente, máis de tacto que de man. As suas figuras poseen inquietantes miradas pese a carecer de ollos. Trátase dunha nova pintura caracterizada sobre todo pola liberdade do artista ante as tendencias, pola ausencia do modelo ou patrón, dándolle todo o protagonismo ó lenzo en branco. En próximas actualizacións publicarei imaxes dalgunha das súas pinturas.

Curiosidades de Compostela: II

2009-03-19T16:22:00.000+01:00

A libraría Vetusta, ubicada na rúa Nova, é unha das miñas librarías favoritas e un dos lugares máis idóneos cando queres desconectar. Os donos son un matrimonio maior, bastante agradable e coñecedores da boa literatura. As tardes son do máis amenizantes porque mentras olleas os libros, o entorno se acompaña a maioría das veces de música jazz, blues... os libros son de segunda man e te podes atopar de todo, incluídas moitas obras que están descatalogadas na maioría dos sitios.

Ademais dispón do seu propio catálogo online moi ben organizado. A quen lle interese, pode botar un viztazo no seguinte enlace:

http://www.libreriavetusta.es/

Curiosidades de Compostela

2009-03-18T21:14:00.004+01:00

A partir desta entrada irei poñendo imaxes de lugares que me gustan ou cousas que poden pasar desapercibidas a primeira vista nesta cidade. Algunhas poden resultar absurdas, extrañas ou incluso feas para quen as perciba, pero é sobre todo polo cariño que lles teño, ou por iso da sinxeleza das pequenas cousas, xa saben.

Empezarei coa primeira: a gaiola que se atopa nun dos calellos entrando á praza do Toural, ten como un paxaro artificial no seu interior e está ubicada na fachada dun restaurante de comida kurda, normalmente non adoito camiñar mirando ó ceo, pero fai pouco, de casualidade, atopeime con isto e me resultou gracioso.

(Maltraste me dixo que iso se debe a que anteriormente o bar que estaba nesa rúa chamábase "a gaiola"...)

Convento de Belvís

2008-06-26T15:25:00.003+02:00

Ao fondo: O convento de Santa María de Belvís, a imaxe está sacada dende a rúa das Trompas.

Foi fundado no século XV e reedificado no barroco polo arcebispo mexicano Monroy. O que se ve aos arredores é o chamado parque de Belvís que relaciona o recinto histórico coas edificacións do convento e do Seminario menor, constituíndo unha especie de foso natural da cidade medieval.

Cabe dicir que dende a parte máis alta se pode disfrutar das vistas de toda a cidade.

O pasadizo da Quintana

2008-06-20T02:38:00.007+02:00

Falando sobre a lenda da sombra do peregrino, contábame Maltraste o outro día que por entre os chanzos das escaleiras da Quintana pódense ver tres curiosos buracos ou respiradoiros, pertencentes ó pasadizo que comunica a zona máis antiga da Catedral co veciño Mosteiro de clausura de San Paio de Antealtares.

Pasadizos soterrados e catedrais: coma nunha boa novela de intriga ;)

Cidade Vella

2008-06-19T01:43:00.003+02:00

A sombra do peregrino

2008-06-17T03:38:00.005+02:00

Di unha vella lenda que un sacerdote namorou dunha relixiosa do convento de San Paio de Antealtares. Tódalas noites o clérigo ía na busca da súa amada, atravesando un pasadizo segredo soterrado baixo ás escaleiras da Quintana que comunicaba a Catedral co Mosteiro.

Mais chegou o día en que esta situación se fixo insoportable para os dous amantes, que acordaron fuxir xuntos. A cita quedou fixada para medianoite e o sacerdote decidiu ir vestido de peregrino para non chamar a atención de ollos maledicentes.

O home agardou e agardou por ela, pero a moza non acudiu, ninguén soubo nunca o porqué. O clérigo, desesperado, xamais puido renderse á evidencia e dende entón, cada noite, pasadas as 12, sen importar os séculos transcorridos, a súa sombra paciente segue asistindo á cita.

Esta é só a primeira (e a miña favorita) das dúas versións da historia da misteriosa sombra do peregrino. Aquí poderás coñecer a outra.

Facultade de Ciencias da Comunicación [1993-1999]

2008-06-16T17:17:00.007+02:00

Sita no campus universitario norte da USC, a facultade é de visita obligada para os amantes da arquitectura contemporánea. Este edificio, o segundo gran proxecto compostelán do arquitecto e premio Pritzker portugués Alvaro Siza Vieira -o primeiro foi o CGAC- é non só un dos maiores orgullos da universidade compostelá, senón un dos máis admirados fitos arquitectónicos da cidade.

Xa finalizada a obra, posteriormente premiada co Secil 2000 de Arquitectura, o arquitecto expresou o seu agradecemento á universidade por "permitirlle ser arquitecto". Con estas palabras facía referencia á gran liberdade que lle foi otorgada durante o deseño e execución do edificio. Siza involucrouse en tódolos aspectos da obra, resolvendo até o útimo detalle do equipamento e do mobiliario.

Estrela de Compostela

2008-06-16T15:10:00.002+02:00

Curiosidades rúa do Vilar II

2008-06-13T02:31:00.010+02:00

1-2) Tenda de souvenirs ou tamén chamada Fábrica de Paraguas “Crisol”. Aquí atopamos especialmente bisutería, agasaios e curiosas figuras artesanais de personaxes coñecidos do mundo do comic (Tintín, Milú..), da literatura (Castelao), do cine (Humprhey Bogart, Cary Grant, Autrey Hepburn...), da música (the beatles, Jagger…) e un longo etcetera

3) Tenda de camisetas curiosas na que a temática principal é a cultura galega, atópase ao final da rúa e está paralela á praza do Toural.

4-5) Fonte dos cabalos da praza de praterías na que desemboca a rúa do Vilar, é unha fonte de estilo italiano en forma circular e feita en pedra. No seu centro se observan catro cabalos que botan auga polas súas bocas. De entre estes cabalos xorde un pedestal rematado por unha figura feminina que alza o seu brazo coa estrela de Compostela.

Curiosamente, Federico García Lorca inspirouse nesta fonte para escribir o seu poema “Danza da lúa en Santiago”:

"¡Fita aquel branco galán, olla seu transido corpo!/ é a lúa que baila/ na Quintana dos mortos/ Fita seu corpo transido/ negro de somas e lobos/ Nai: a lúa está bailando/ na Quintana dos mortos/ ¿Quén fire potro de pedra na mesma porta do sono?/¡É a lúa, é a lúa!/ na Quintana dos mortos/ ¿Quén fita meus grises vidros cheos de nubes nos seus ollos?/ é a lúa, é a lúa/ na Quintana dos mortos/ Déixame morrer no leito/ soñando con froles d´ouro/ é a lúa, é a lúa/ na Quintana dos mortos/ (...)

Curiosidades rúa do Vilar

2008-06-13T02:21:00.010+02:00

Como o prometido é debeda, hoxe tamén paso a comentar unhas fotos de diferentes locais e establecementos da rúa do Vilar.

1-2) A fundación cultural Caixa Galicia: parece mentira que se encargue unha entidade bancaria de difundir a cultura na cidade… pero é o que hai. Esta fundación ofrece de maneira gratuita a posibilidade de contemplar obras de arte. Este mes destaca unha exposición de cadros do famoso pintor impresionista, Joaquin Sorolla. Tamén realizan ciclos de cine bastante interesantes. A foto é do pasado mes de abril, sei que tiña que actualizala pero últimamente me vexo escasa de tempo. Este mes está adicado aos grandes mestres italianos, Fellini, De sica, Rosellini, Visconti….

3) A sede da fundación Gonzalo Torrente Ballester. Esta sede está dotada con biblioteca, auditorio, e acolle actividades vencelladas á literatura e outras manifestacións artísticas, polo que na súas salas tamén se realizan exposicións de carácter temporal.

4) Imaxe lateral do edificio onde se atopaba antigamente a imprenta da coñecida editorial “nós”. O seu fundador, Anxel Casa l, foi a figura que máis fixo pola normalización do libro galego antes da guerra civil. Exerceu de alcalde de Santiago en 1936, e pagou coa propia vida o seu compromiso de amor a Galicia.

Zona nova

2008-06-13T01:01:00.005+02:00

As dúas primeiras imaxes pertencen á rúa de Alfredo Brañas, na zona nova de Santiago. De día é unha rúa ideal para pasear, facer as compras e quedar cos amigos nos diferentes cafés que se atopan nela.

Pola noite convértese na zona máis concorrida da parte nova da cidade xa que están situadas as discotecas e pubs máis frecuentados polos universitarios e xente xove en xeral, entre eles destaca os pub D3, a discoteca Liberty e o maravilloso club de jazz Dado-dada, o mellor local de música jazz de toda a cidade. (terceira imaxe).

Mordaza

2008-06-11T03:43:00.003+02:00

Araña

2008-06-10T02:45:00.005+02:00

Pero ésta é das inofensivas.
Ignácio Basallo, Avda de Barcelona.

Avenida de Barcelona

2008-06-08T23:25:00.005+02:00

Este proxecto do arquitecto César Coll é unha das miñas zonas favoritas da cidade. O obelisco da esquerda é obra do escultor Ignácio Basallo.

Tras do Pilar, 11

2008-06-08T03:51:00.003+02:00

Jesús López Rego deseñou este fermoso edificio á beira da Alameda, unha das primeiras construccións modernistas da cidade, que agora se atopa en pleno proceso de rehabilitación. E agradezamos que, por unha vez, a ningún iluminado se lle ocurreu derrubalo nos 70 para levantar un bloco de edificios de corte estalinista-compostelán (entrañable estilo autóctono).

Sinto envexa dende xa do afortunado que vaia vivir nela.

Quiz

2008-06-04T01:02:00.006+02:00

Eu que cría que os bancos eran unha homenaxe a famosa barca de pedra do apóstolo e acabo de ler que se trata dunha homenaxe á dorna galega.

Entón se os bancos son dornas, as marquesinas que son?! Eu digo que xoaniñas xigantes, por ahí din que táboas de surf...admítense as apostas.

Praza Gris...ehr...isto...Roxa Pt. 1

2008-06-03T02:55:00.014+02:00

É moi doado facer fotos a lugares tan fermosos como Bonaval; boas ou malas, tanto ten. A cousa e que os sentidos disfrutan de estar nun lugar coma ese e é moi sinxelo escribir algo para acompañar as imaxes.

E logo están eses sitios que non me gustan tanto. E está o polemiquísimo resultado da remodelación da Praza Roxa, punto central do Ensanche.

Odiseia!!! sacarlle unha foto semidecente a unha praza que xa nin roxa é. Buscarlle algun ángulo afortunado.

But let's say something nice: gústame moito esa fonte-fervenza aproveitando a pendente da Costa das Camelias. Sei que é case-unánimemente- odiada, pero entre tanta losa gris e tanta 'tabla de surf'? e tanta barca-banco...é do pouco que me gusta. Coma unha escultura interactiva.
A fervenza mailo banco semicircular que domina o extremo norte da praza.

Mais cousas boas? por suposto. Co bo tempo énchese de terrazas, é un punto estratéxico para citarse cos amigos e hai unha boa historia sobre a orixe do seu nome: disque se chama así por ser o lugar onde adoitaban celebrarse as manifestacións e concentracións comunistas.

Sweet home Conxo

2008-06-03T02:19:00.004+02:00

Unha noite de lúns por Conxo. Cada vez que volto o meu querido barrio é coma unha volta o fogar. Non deixedes de visitalo. Fotografías da Praza da Nosa Señora da Mercé e a gardería.

Valle Inclán

2008-06-02T22:37:00.009+02:00

Esta escultura do recoñecido e famoso escritor Ramón María del Valle Inclán atópase no paseo dos leóns da alameda de Santiago de Compostela. A estatua está feita en bronce e é obra do escultor César Lombera.

Din que Valle-Inclán se sentaba moitas veces no banco onde agora figura a escultura, para gozar das fermosas vistas a catedral das que poñerei unha imaxe a continuación.

Creo que se trata dunha das estatuas máis fotografiadas de toda a cidade e con razón, ainda que para ésta non se prestase ningún de nós a sentarnos xunto a Valle Inclán...

Un pouco de Euskadi en Santiago

2008-06-01T23:02:00.006+02:00

O venres a alameda compostelana vestiuse un pouco dun dos nosos primos do norte, os vascos, alí os santiagueses puideron deleitarse con productos e gastronomía típica de Euskadi.

Noite na rúa de San Paio

2008-05-27T22:31:00.009+02:00

Así se vía a rúa de San Paio de Antealtares onte á noite, á altura da porta principal do mosteiro do mesmo nome (famoso polos seus doces beneditinos-ahem! acepto agasallos, dígoo por se alguén está pensando en achegarse por alí).

Amais diso, a rúa é coñecida polas súas terrazas e bares e adoita estar concorridísima nas noites de bo tempo.

Rúa do Vilar

2008-05-27T20:51:00.007+02:00

A rúa do Vilar, é unha das rúas máis emblemáticas e importantes de todo o casco vello da cidade, xa que ten un carácter cultural, turístico e monumental.

Atópase entre a rúa Nova e a rúa do Franco e desemboca na praza de Praterías, e na maior parte dela se poden ver os soportais típicos de Santiago.

Os edificios máis importantes desta rúa son: A casa do Deán, que é a sede oficial de acollida ao peregrino, a casa-pazo de Vaamonde que é a sede de consorcio de Compostela, a fundación cultural Caixa Galicia, a antiga sala de cine e teatro Yago, a galería de arte moderno Espacio 48 , a fundación Gonzalo Torrente Ballester e algunhas das tendas máis antigas da cidade.

(Pasaremos a poñer imaxes destes edificios e outras curiosidades en próximas actualizacións).

Rúa do Val de Deus

2008-05-26T23:58:00.005+02:00

Nesta estreita rúa chaman a atención as gárgolas no lateral do -xigantesco!- mosteiro de San Martiño Pinario. Bestas, demos e demais animais sinistros que pola noite cobran vida para gardar o mosteiro.

Avenida de Raxoi

2008-05-26T14:06:00.002+02:00

Casas da Avenida de Raxoi

Igrexa de San Paio

2008-05-25T23:01:00.006+02:00

Esta imaxe pertence ao convento e igrexa de San paio de Antealtares, situada no casco vello de Compostela (frente á cabeceira da catedral), pechando a praza da Quintana.

Aquí amosamos a fachada na que se atopa San Paio mártir. San Paio foi un rapaz cristián martirizado durante o califato de Abderraman III e canonizado posteriormente pola igrexa católica, como exemplo de virtude da castidade xuvenil fronte á homosexualidade.

Como podedes ver a historia non é moi agradable...

Cores

2008-05-23T17:32:00.005+02:00

CGAC e convento de San Domingos de Bonaval. s.XVII fronte a s.XX. Domingo de Andrade vs. Álvaro Siza. Empate técnico ;)

O tamaño sí que importa

2008-05-23T17:04:00.003+02:00

Antigamente o estatus económico das familias santiaguesas medíase polo tamaño das chemineas dos seus fogares. Canto máis grandes foran, máis poderío monetario tiñan os seus donos. Ostentación á santiaguesa.

San Xerome

2008-05-23T01:30:00.002+02:00

AKA "reitorado" para os que somos ou fumos estudantes (aiiiaiai qué pensaría meu abuelo se me oise este falar tan "xunteiro"!) na USC.
Foi construido no século XVI para realoxar ós estudantes pobres de Artes que anteriormente residían noutro edificio. A portada gótico-románica foi trasladada dende o antigo colexio-hospicio da Acibechería.

As dúas Marías

2008-05-22T20:41:00.005+02:00

A imaxe que ensinamos a continuación atópase no parque da Ferradura na alameda de Santiago de Compostela. Esta escultura recibe o nome de "as dúas Marías" ou "as dous en punto". As dúas eran irmás e a historia di que saían tódolos días ás dous en punto para pasear pola alameda e pese á súas idades avanzadas, trataban de "flirtrear" cos estudantes que pasaban de camiño para comer.

Sempre saían xuntas, maquilladas e vestidas con roupas de cores moi vivas porque querían aparentar menos idade da que tiñan.

Os seus nomes foron Corelia e Maruxa. Din que Corelia morreu antes e pese a isto, Maruxa non saiu nunca soa da casa, ésta morreu uns meses despois.

Paxaro

2008-05-22T18:46:00.003+02:00

Ás veces é o momento.

Rúa das Orfas

2008-05-22T15:11:00.004+02:00

Fotografía da Rúa das Orfas feita dende a miña casa. Ás veces sí que chove en Compostela ;-)

Xoán XXIII

2008-05-21T19:03:00.003+02:00

Monstros na Rúa Nova

2008-05-21T18:47:00.004+02:00

Seino! Isto ten que ter unha historia...só que non a coñecemos-alomenos de momento- (inxerir aquí sintonía de decepción). Equipo de documentación: a traballar!!

E se non lla atopamos haberá que lle inventar unha, non?

Parque ou cemiterio?

2008-05-21T18:39:00.010+02:00

Un pouco as dúas cousas; a parte alta do Parque de Bonaval foi cemiterio unha vez e na renovación mantivéronse os antigos nichos (por suposto agora baleiros e clausurados, non era o caso chamar á Compaña!).

Camposanto xa non é, certo, mais eu diría que aínda fica no aire esa calma estraña dos cemiterios. Ou serán cousas miñas...